حياك الله في هجرة يبرين
اولا انا معلم في يبرين وساكن في الهجرة
الهجرة توجد بها مدرستين ابتدائي مستقله ومتوسط وثانوي في مبنى واحد
عدد طلاب الابتدائي يزيد عن 190 طالب جميع المعملين نقلو بما فيهم انا .. المدير موجود ونعم الرجل والله على ما اقول شهيد في الاخلاق والتعامل
مستوى الطلاب
الطالب اهل ابل واهل حلال طول الوقت مشغولين في الرعي والذهاب مع حلالهم وهذا اثر على تفوقهم الدراسي
السكن
يوجد سكن للمعلمين العزاب واهل الديره يرفعون الاسعار بسبب قلة السكن ولكن اعلى شئ 1500 ريال شهريا وللمعلومه البيوت غير مسلحه يعني من فوق شينكو ( هنقر ) والله يعينك في المطر يصب عليك والبرد والعج يدخل عليك وحدث ولاحرج انواع الدواب جميعها موجوده والنمل الاسود الموت كله اذا لدغك تجلس اسبوع وانت مريض نفسيا
اما سكن العوائل يوجد وقليل ولكن انصحك لا تجيب اهلك اذا كنت متزوج تصيبهم نفسيه مثل بعض الزملاء العام الماضي
الخدمات
بقالات ومحطات بنزين يوجد محطه واحده تبيع بنزين 95 مره تحصله ومره يخلص انتبه وجوال (stc ) وموبايلي مع الجيل الثالث لموبايلي مطعم واحد اسمه بوابة اليمن كبسه وبس وبوفيه الله يرحم الحال ومغسلة ملابس مكوى يدوي والغسيل لك عليه
انتبه لايوجد صرافات اخذ فلوس معك تكفيك طول الاسبوع
الطرق مزفلته
لها طريقان الاول عن طريق الرياض الخرج حرض يبرين المسافه من الرياض الى يبرين 350 كلم مسار واحد يجيب الهم كله شاحنات ( طريق البطحا الامارات )
الثاني الاحساء
العضيلية حرض يبرين 270 كلم مسار واحد توجد به شاحنات والله يعين
يبرين تبعد عن حرض حوالي 92 كلم لكن الطريق اذا مشيته تحس انك قطعت 200 كلم ليش ما ادري
المراكز الصحيه
مركز صحي واحد يحتضر وطبيب مريض نفسيا والله إني صادق علاج بنادول وبس
الحدائق
حديقة واحده اسمه حديقة الامير متعب ولكن انصحك اجلس في شقتك افضل لك لأنها للعوائل
أهل الديره جميعا آل مره من آل جابر
الهجر التابعه ل يبرين
الراشديه 13كلم وتسمى المطق قبيلة آلا جهيم
الحفاير 17 كلم قبيلة آلا دحباش
الخن 30 كلم
أم أثله 50 كلم
بالنسبة للمتوسط والثانوي ل يبرين
عدد طلاب المتوسط 112 طالب
الثانوي اتوقع 90 طالب
معظم المدرسين نقلو وكذلك المدير
بقي الوكيل رجل فاضل جدا جدا
المدير لم يترشح احد الى الان
اوضاعهم جدا ممتازه بسبب الوكيل ضبط المدرسه ومعه واحد مقيم مصري رجل روعه بما تعنيه الكلمه
هذا اللي قدرت اجمعه لك طول السنه الماضيه ولكن اذا كنت من اهل الاحساء كل معلمين الاحساء يداومون على باص نقل جماعي اما اللي من الرياض والخرج والجنوب والشمال فالسكن في الهجره افضل لهم ...............................
واذا اردت معلومات اكثر فأنا حاضر بكل شئ ينفعك اخي حائل 1 ( حايل بعد حيي )
حطينكو الصراحه زييييييييييييييييييييييييييييييييييييييينه واللي يده في الماء ليس مثل اللي يده في النااااااااااااااااااااااااااار