[align=center]
[/align]
اليوم كنت جالسه أسولف مع أختي و كنت أقول لها مستحيل مهما يكن
مشروع تطوير يتطبق في يوم من الأيام على جميع مدارس المملكه لأنه أولا مكلف
و مهما كان رائع و مفيد نتائجه ماراح تغطي تكاليفه ..
ف إيش ردت علي سمعوا ..
قالت لي لا اسمعي هذي القصه اللي صايره عندنا بالجامعه ..
تقول .. صديقتي و" خلوني أسميها ع" لها نفس شخصية " خلوني أسميها ل"
لهم نفس الشخصيه و عندهم نفس الصفات و يمكن ع الصفات هذي عندها أقوى
ثنتينهم قياديات و جريئات و اجتماعيات و لهم علاقات عريضه بالمجتمع ..
بس ع درست بمدار حكوميه عااااديه جدا و ل درست بمدار الظهران الخاصه
و المدراس هذي مهتمه بالنشاطات و الدوام فيها إلى 3 العصر و عندهم أنديه و برامج
قويه جدا جدا و بحوث و دراسات علميه << يعني تقريبا نفس برنامج تطوير اللي بمدرستنا ..
طيب تخيلوا إيش الفرق بين البنتين ..
ع طالعه يمكن الأربعين على الدفعه و ل طالعه الأولى على الدفعه..
ل تمكنت من قيادة الدفعه بشكل مغاااير عن كل الدفع السابقه أما ع فكانت
طالبه وجدودها حلو لكن مو مثل ل ..
ل أول ما سمعت الطالبات يتكلمون عن ملتقى طلاب الطب الأول اللي راح يقام في جده
راحت و جمعت البنات وجمعت الفلوس و قام بكل التجهيزات و راحت مع البنات جده
و حضروا هذا الملتقى ..
ل لما سمعت البنات يقولون ياليت يسوون عندنا ملتقى طلاب الطب الثاني قالت ليش ما نسويه احنا و راحت و دعت الدكتور عبدالله الربيعه و الدكتور عبد الرحمن السميط و دكاتره عالمييين و جمعت فلوس من الرعاة الرسميين و كلمت الأولاد و كلمت الكاتر و كلمت المشرفين و كلمت مدير الجامعه و ما درات عليهم السنه إلا و ملتقى طلاب الطب الثاني صايرعندهم بالدمام و كانت هي المشرفه العامه و كانت أفضل بكثييير من ملتقى جده مع إن المشرفين عليه كانو دكاااتره و أساتذه و ملتقى الدمام كان المشرفين عليه طلاااب بقيادة ل ..
... هي ما قدرت تسوي الأشياء هذي كللها و تكون كما هي عليه بسبب إنها غنيه أو إنها
عندها واسطات لا هي قدرت تسوي الأشياء هذي كلللها بس لأن المدرسه اللي كانت فيها
علمتها كيف تكتسب و تطور مهاراتها علمتها كيف تستفيد من أقصى طاقاتها و تستعمل موهبتها استعمال أمثل .. علمتها كيف تعيش المجتمع و تتعامل مع مؤسساته و تكون إيجابيه فيه ..
ل بنت مو خياليه و كان بودي أقول أسمها لكن ما عندي إذن .. و أنا ما أحقر من ع بالعكس هي بنت راااائعه جدا و أنا شفتها و عرفتها بس على قولة أختي أتحسف عليها ..
المهم في السالفه إن برنامج تطوير فرصه لنا خلونا نستفيد منهاعشان كللنا نصير مثل "ل " .. و ننجح و نكون أحسن شي ممكن نكونه ..
و السلام عليكم و رحمة الله و بركاته ..
أختكم تااااغي
