أهليـــــــن ..
قصدي كلية الدراسات التطبيقية وخدمة المجتمع اللي بجامعة فيصل ..
اوك أنا كنت بها الكلية سنتين دبلوم وجبت معدل مرتفع نوعا ما وانتقلت لكلية العلوم الإدارية أكمل بكالوريوس ,,
أنتي إذا ممتازة صدقيني سهل أنك تعدين والمواد مرة حلوة ..
بس بصراحة مشكلة إذا فيها نسبة موزونة .. أنا دخلت الكلية قبل نظام التراكمي وبصراحة مو عارفة عنه حاجة ..
بس اللي سمعته أنهم رفعوا عنا الرسوم السنة الماضية وبيرجعونها مرة ثانية ..
الله يعينكم من جد ،، إذا اللي يصيرون لك متخرجين بكالوريوس وجالسين بالبيت ،، كيف أجل بالدبلوم ..
بس حطي ببالك أهم شي الحين القبول في الكليه لا تفكرين بالوظيفة .. إذا جا وقتها ييسر لك ربي ..
تعرفين مشكلة كل البنات اللي بيدخلون الجامعة مو عارفين شنو حابين ..!!
حددي هدفك من بداية الطريق وراح تشوفين الأبواب تنفتح لك بس أنتي أخلصي النية ..
يارب تنقبلون مع يوم السبت ،،
وإذا بعيد الشر ما انقبلتوا قدموا بالتقنية ولا جلسة البيت ..!
ودايم حطي ببالك الخيره فيما يختاره الله ..