نصائح للطالبات الجامعيات و المقبلات على الجامعه :<<< ما صار لها يومين و تقول نصايح
1- قبل ما تبدأ الدراسه لازم تشوفين لك وحده جامعيه تعلمك كيف تتعاملين مع الجامعه <<< ما عندي أحد درس بفيصل هنا و تبهدلللت
2- اهم شي تشترين نظاره شمسيه و شنطه كبيرااااااه <<< حتى اهم من الملابس ..
خوووش طالبة علم
3-خذي دورات بطوالة اللسان لأنك راح تحتاجينها كثييير<<< خاصة لبنات الزراعه و التربيه و العلوم
4-تعودي على الحصص الممله و تعودي تتكيفين مع الاساتذه مهما كانت طريقتهم و لا تكثرين اعتراضات <<< وينك يا مس وضحى نعترض عندك
5- لما تدخلين القاعه دوري على المكان اللي فيه مايك و جلسي عنده و لما تكون استاذه جلسي بالصف الثالث و تجاوبي معاها
6- روحي طلي على القاعه قبل المحاضره بربع ساعه او نص ساعه عشان تتأكدين ان مكان المحاضره ما تغير او الأستاذ اعتذر .
7- سجلي جدولك مع وحده من اللي تعرفينهم نفس القسم عشان ما تصيرين لحالك ... الله يخلي لي ريوم
...
8- لما تشوفين اعلان بأي مكان بالجامعه اقريه يمكن يكون يعنيك ..
9-طبعا اذا دوامك طويل او ناويه تتمشين لا تفكرين بالكعب أبدا أبدا أبدا ..
10- لا تجيبين جوال كاميرا " كانوا بيسحبون حقي يوم الاربعاء اللي طاف
" و اذا ناويه تلبسين عبايه ع الكتف لبسي تحتها شي عدل
لأن ممكن اي استاذه او دكتوره تقول لك اشلحي العبايه ..
11- حطي جوالك سايلنت بالمحاضرات و لما يكون ما عندك محاضره لا تجلسين قدام النوافذ العاكسه او تتعدلين عندها لأن البنات اللي داخل القاعه بيفقعون عليك خخخ
12- طلعي لك بطاقه جامعيه و بطاقة خروج اول ما تجين لأن ما في احد بيقول لك .. لازم تعرفين بنفسك ..
13- جيبي لك قلم مريييح و زحلاقي ع الورق و تعودي تكتبين بسررررعه لأن الأستاذات و الدكاتره و الدكتورات يعايبون ع اللي يقول عيد لو سمحت <<< الحمد لله ما صارت لي
14- دبري لك سواق عنده باصات كثييييره عشان ما تتوهقين و اذا بتجين مع سواق بيتكم تكونين اميييره
.............
كفايه كدا عشان اول محاضره حنكمل بعدين <<< خخخخ يعني ما خلصت