"لا تعطي سرك امرأة ولا تخاوي أمير"

[ساروونه]

فيه واحد سمع الحكمة هذي من أبوه فكان يبغى يثبتها,

المهم إنه راح وخاوى أمير في ديرته وصار خويه الروح بالروح ...

و الأمير ما يطيب له المجلس إلا إذا كان هالشاب فيه .. صار نديمه بـ اختصار ...

الأمير عنده مزرعة نعام وكانت عنده نعامة غالية

راح الولد وأخذ النعامة ودسها في مكان في المزرعة

وراح لسوق الغنم وشرى خروف وذبحه وقطعه وجابه في خيشه آخر الليل لأمه

وقال لها هذا لحم نعامة الأمير يمه ..

جايبه لك يالغالية..بس تكفين لا تعلمين أحــــد ..
عشان لو درى أحد بيوصل الكلام للأمير ويقطع راسي.

الأم قالت : و لايهمك ياولدي .. مجنونه أنا أفضح سرك واموتك بيدي؟

من اليوم الثاني عزمت أمه جارتهم على اللحم ..وسألتها وش هذا اللحم الزين يا فلانة؟

قالت الأم أقولك بس سري في بير؟

ردت الجاره سرك في بير يا وخيتي افا عليك ...

قالت الأم لجارتها السالفة وحلفتها ما تقول لأحد عشان
ما ينذبح ولدها

طبعا الأم يوم علمت الجارة كان قصدها مفاخرة بولدها ...

يوم بعد يوم السالفة انتشرت بين الحريم في الديرة.
ووصلت للرجال وفي الأخير وصلت للأمير اللي عصب
و طلب من الحرس إنهم يجيبون الولد ويحطونه في السجن لين يجي يوم ويقيمون عليه الحد.

الولد طلب من الحارس إنه يروح للأمير ويقول له إن النعامة لـ الحين موجوده في مزرعته

بس خاشها في حوش بعيد عن باقي النعام وإنها بخير.

الأمير طلع الولد و اعتذر منه وحاول يعوضه بس الولد رفض وقال أبوي صدق في حكمته.

وهذي بس نعامه أجل لو كانت شي أكبر من كذا
وش كان بيصير فيني ...!!!!!


منقول من ايميلي

ساعد في نشر والارتقاء بنا عبر مشاركة رأيك في الفيس بوك

[أميرة بأخلاقها]

جميل جداً
اشكرك سارونه.. ماقصرتي..

[صدى الأحزان]

[أريج الريحان]

ههههههههههه يسلمووووووو سارونه رووووعه من جد هذي نعامه وسوى به كذا وش لون غيره .؟
لا حرمنا ربي منك ومن اطلالتك علينا .

[ساروونه]

المشاركة الأصلية كتبت بواسطة أميرة بأخلاقها

جميل جداً


اشكرك سارونه.. ماقصرتي..

على مرورك الرائع

[ساروونه]

المشاركة الأصلية كتبت بواسطة صدى الأحزان

[ساروونه]

المشاركة الأصلية كتبت بواسطة أريج الريحان

ههههههههههه يسلمووووووو سارونه رووووعه من جد هذي نعامه وسوى به كذا وش لون غيره .؟
لا حرمنا ربي منك ومن اطلالتك علينا .

عسى الضحكه دووووم

[وعد نايف]

يعطــيك الف عافيه سارونــه على الموضوع

[ساروونه]